Five verses, one for each syllable of the mantra Namah Shivaya, each praising Shiva and ending with a bow to that syllable in turn: na, ma, shi, va, ya. It is recited on Mondays, during Shiva worship and on Mahashivaratri.
नागेन्द्रहाराय त्रिलोचनाय भस्माङ्गरागाय महेश्वराय ।
नित्याय शुद्धाय दिगम्बराय तस्मै नकाराय नमः शिवाय ॥ १ ॥
मन्दाकिनीसलिलचन्दनचर्चिताय नन्दीश्वरप्रमथनाथमहेश्वराय ।
मन्दारमुख्यबहुपुष्पसुपूजिताय तस्मै मकाराय नमः शिवाय ॥ २ ॥
शिवाय गौरीवदनाब्जबृन्दसूर्याय दक्षाध्वरनाशकाय ।
श्रीनीलकण्ठाय वृषध्वजाय तस्मै शिकाराय नमः शिवाय ॥ ३ ॥
वसिष्ठकुम्भोद्भवगौतमार्यमुनीन्द्रदेवार्चितशेखराय ।
चन्द्रार्कवैश्वानरलोचनाय तस्मै वकाराय नमः शिवाय ॥ ४ ॥
यक्षस्वरूपाय जटाधराय पिनाकहस्ताय सनातनाय ।
दिव्याय देवाय दिगम्बराय तस्मै यकाराय नमः शिवाय ॥ ५ ॥
Wording checked against: Sanskrit Wikisource: शिवपञ्चाक्षरस्तोत्रम् (Shankaracharya Stotras, 1910); Stotra Nidhi: Shiva Panchakshara Stotram; Sanskrit Documents: panch.itx; Shlokam.org: Shiva Panchakshara Stotram. Editions differ slightly; follow your family's or guru's version if it differs.